Lebo

AFYA (8) AJIRA (5) BIASHARA (38) ELIMU (14) MAHUSIANO (2) MALEZI (16) MAZINGIRA (12) SAIKOLOJIA (48) VIJANA (7)

inspire

inspire

GREEN BUSINESS MEETING

GREEN BUSINESS MEETING

Green Consulting

Business registration

business consultancy

business consultancy

Consultancy

PDC

Swahili translator

Swahili translator

TANGAZO-KITABU

TANGAZO TUWEZESHANE

TANGAZO TUWEZESHANE

E-BOOK: MTAZAMO WAKO NI UPI?

TANGAZO:Kitabu kipya. Kitabu! Kitabu!Kinauzwa Katika Maduka Ya Vitabu.Pia M-Pesa 0754 572 143, Tigo Pesa 0716 075 826.Ili Kikufikie Ulipo, Tafadhali Ongezea Sh.10,000/- .... TANGAZO:Kitabu kipya. Kitabu! Kitabu!Kinauzwa Katika Maduka Ya Vitabu.Pia M-Pesa 0754 572 143, Tigo Pesa 0716 075 826.Ili Kikufikie Ulipo, Tafadhali Ongezea Sh.10,000/- ....

DUNIA IKUONE

DUNIA IKUONE

Jumatatu, 13 Februari 2017

MTAZAMO: HAKI YA UJINSIA WILAYANI MAFIA MKOANI PWANI: ACTIONAID TANZANIA YAZINDUA MRADI WA KUPAMBANA NA UKATILI DHIDI YA MTOTO WA KIKE SHULENI

Vitendo vya kikatili kwa watoto wa kike shuleni vimeendelea kushika kasi na kushuhudiwa miongoni mwa jamii zetu na kuonekana kuwa tatizo lililokosa mwarobaini. Ukatili huo wa kijinsia dhidi ya watoto wa kike shuleni hujumuisha; kulazimishwa kuolewa katika umri mdogo, mimba za utotoni, kubebeshwa majukumu makubwa ya familia mara tu wanaporudi kutoka shuleni au; unyanyasaji wa kijinsia, kimwili na kihisia.

Ukizingatia takwimu ya Ripoti ya matukio ya ukatili kutoka Halmashauri ya Wilaya Mafia, Januari- Machi 2016 inaonyesha kuwa asilimia 47 ya watoto wa kike Tanzania wanaolewa chini ya miaka 18, sababu inayowafanya waache shule mapema na kuanza majukumu ya familia, ikifuatiwa na mimba za utotoni, Wilayani Mafia pekee, wastani wa wasichana 10 (0.2% ya wanafunzi wote wa kike) huacha shule mapema kutokana na mimba zisizopangwa/ tarajiwa.

Wilaya ya Mafia Mkoani Pwani imekuwa ni moja ya Wilaya pekee nchini Tanzania kufaidika na mradi mpya unaoendeshwa na Taasisi isiyo ya Kiserikali –Actionaid Tanzania wa kupambana na Ukatili wa mtoto wa kike shuleni ujulikanao kama “Stop Violence Against Girls in Schools-SVAGS”. Mradi wa SVAGS umekuja wakati muafaka ikiwa hali ya vitendo vya kikatili dhidi ya watoto shuleni ikiwa imeshamiri wilayani humo na kupelekea watoto wengi wa kike kukosa haki yao ya msingi ya kupata elimu.

SVAGS ni mradi wa miaka mitatu (2016-2018) uliozinduliwa rasmi Kitaifa kwa mara ya kwanza jijini Dar es salaam na kuzinduliwa mapema tena mnamo tarehe 10 Februari 2017 katika ngazi ya utekelezwaji Wilayani Mafia mkoani Pwani ukitarajia kuzifikia jumla ya shule 34 ndani ya vijiji 26. Lengo kuu la mradi ni kuhakikisha kuwa haki ya mtoto wa kike kuwa huru, usalama na kupata elimu bora inapatikana, pia ionekane ikitendeka ndani ya jamii  na kulindwa.

Shughuli za mradi-SVAGS zitajikita katika kufanya uchambuzi na uelimishaji umma na kujenga uwezo wa jamii kuhusu aina na madhara ya ukatili dhidi ya watoto wa kike. Pia kuondoa vikwazo vya kisheria vinavyorudisha nyuma juhudi za wanaharakati mbali mbali za kumuwezesha mtoto wa kike kupata haki ya elimu. Mradi upo mahsusi kuzungumizia na kushirikiana na wanajamii kuziondoa changamoto za mila, tamaduni, mitazamo na desturi potofu zinazochochea ukatili dhidi ya mtoto wa kike ndani na nje ya mazingira ya shule.

Akiongea na wadau (walimu wa shule za msingi na sekondari, viongozi wa ngazi ya Wilaya-Mafia, Mbunge wa Mafia) katika hafla ya uzinduzi wa mradi-SVAGS Wilayani Mafia, ndugu Amri Segera, mwendeshaji mradi ActionAid Mafia aliwaomba wadau kuupokea mradi na kuonyesha ushirikiano katika ngazi zote.
Picha: Amri Segera (Kushoto), mwezeshaji na msimamizi wa mradi SVAGS-ActionAid Tanzania, Mafia akiwa na meza kuu kutoka kushoto kwake; Gilbert E.Sandagira-Mgeni rasmi kutoka ofisi za Wilaya ya Mafia, Mhe.Mbunge wa Mafia-Mbaraka K.Dau na M/Mwenyekiti wa Wilaya ya Mafia ndugu Mohamedi J.Gomvu.
Ili kuvuta uelewa wa mradi-SVAGS, washiriki wa hafla ya uzinduzi walipata wasaa wa kujadiliana mara tu mwezeshaji kutoka ActionAid Tanzania ndugu Samwel Mesiak alipotoa utangulizi na kuboresha uelewa wa mradi.
Picha: Samwel Mesiak, mwezeshaji kutoka ActionAid Tanzania-Dar es salam akiwasilisha mada kuhusu historia na malengo ya mradi mpya-SVAGS.
Picha: Mzazi, pia mwakilishi wa kikundi cha akina mama Jojo Wilayani Mafia akieleza changamoto ya kulea watoto wa kike nyumbani na shuleni inayopaswa kuzingatiwa ili kufanikisha utekelezaji mradi mpya wa SVAGS.
Picha: Mzazi na Mwalimu katika Wilaya ya Mafia akiongea kwa msisitizo kuhusu kukabiliana na changamoto zilizopo ndani ya jamii ili kuhakikisha mradi mpya wa SVAGS unakuwa jumuishi na kufanikiwa kwa ushirikiano wa wadau wote Mafia.
Ilikuwa ni wasaa wa mbunge wa Mafia kuchangia na kujibu hoja mbali mbali zilizoletwa mezani kwa ufafanuzi zaidi.
Picha: Mhe. Mbunge wa Mafia Mbaraka K.Dau akifafanua jambo kuhusu maoni ya baadhi ya washiriki kuhusu utekelezwaji wa mradi mpya-SVAGS wa kupambana na ukatili dhidi ya watoto wa kike wilayani Mafia. 
Ulifika wakati muafaka wa kuashiria kuzinduliwa kwa mradi wa SVAGS ambapo Samwel Mesiak kwa niaba ya ActionAid Tanzania alikabidhi nakala ya mradi-SVAGS kwa mgeni rasmi ndugu Gilbert E. Sandagira kutoka ofisi ya Wilaya Mafia mkoani Pwani.
Picha: Samwel Mesiak wa ActionAid Tanzania akimkabishi mgeni rasmi-Gilbert E.Sandagira nakala maalum ya mradi SVAGS kuashiria uzinduzi rasmi na ukuanza kwa utekelezwaji wa mradi-SVAGS wilayani Mafia.
Picha: Mgeni rasmi kutoka ofisi za Wilaya Mafia ndugu Gilbert E.Sandagira akisoma kwa makini nakala ya mradi SVAGS utakaotekelezwa Wilayani Mafia.

Picha: Mgeni rasmi kutoka ofisi za Wilaya Mafia ndugu Gilbert E.Sandagira akishangiliwa na wajumbe pamoja na washiriki wa hafla ya uzinduzi kuashiria kukubalika kwa mradi SVAGS wilayani Mafia.
Mwisho wa yote ilikuwa ni furaha kwa washiriki wote kupata picha ya pamoja kabla ya kwenda kupata chakula cha mchana kwa pamoja.
Picha: Washiriki wote wa hafla ya uzinduzi wa mradi SVAGS wilayani Mafia katika nyuzo za furaha kuhakikisha kuwa wameupokea mradi-SVAGS na kuutekeleza kwa vitendo.

Imetolewa na "Jielimishe Kwanza" kwa niaba ya ActionAid Tanzania-Mafia

Jumanne, 24 Januari 2017

MTAZAMO: HAKI YA MWANAMKE KUMILIKI ARDHI- BARAZA LA WANAWAKE VIJIJINI (RWC) LATEKA HISIA ZA BARAZA KUU LA UMOJA WA AFRIKA (AUC)


Ikiwa ni siku chache kabla ya Mkutano mkuu Wa jinsia Wa Baraza kuu la Umoja wa Afrika (AUC) unaotarajiwa kuanza tarehe 22-25 Januari 2017 jijini Addis Ababa-Ethiopia, Shirika la “Action Aid Tanzania” kwa kushirikiana na Mtandao Wa Jinsia- “Tanzania Gender Networking Programme” (TGNP)-Mtandao wamekutana kwa pamoja kujadili mafanikio makubwa ya kuundwa kwa Baraza la Wanawake Vijijini-The Rural Women Council (RWC) lililoundwa mwaka 2012.


Moja ya mafanikio, na kubwa kuliko yote ni lile la Baraza la Wanawake Vijijini (RWC) kutambuliwa na  Baraza kuu la Umoja wa Afrika (AUC) hadi kufikia hatua ya kutoa mwaliko kwa Bi. Flora Mathias Mlowezi ambaye ni Mwenyekiti wa Baraza la hilo kwa Afrika Mashariki, pia ni mwanaharakati wa masuala ya Jinsia kutoka “TGNP’s Tigushe Knowledge Center in Mbeya rural district” ili kuwakilisha sauti za vilio vya wanawake wengi vijijini kuhusu Haki yao ya msingi kumiliki Ardhi nchini Tanzania na Afrika ya Mashariki kwa ujumla.

  
Picha: Bi. Flora Mathias Mlowezi: Mwenyekiti-Baraza Afrika ya Mashariki na
Mwanaharakati- “TGNP’s Tigushe Knowledge Center in Mbeya rural district" kutoka Tanzania.

Licha ya kutetea maslahi za wanawake wengi waliopo vijijini katika haki yao ya kumiliki Ardhi; Bi Flora anakuwa ni miongoni mwa wanawake shupavu walioweza kushiriki Kampeni maalumu ya kupanda mlima mrefu Afrika-Kilimanjaro kupitia kampeni “Kilimanjaro Initiative” iliyoasisiwa na 

Baraza la Wanawake Vijijini-The Rural Women Council (RWC) mnamo Octoba 2016 chini ya uangalizi wa TGNP-Mtandao wa Jinsia na Action Aid Tanzania jijini Arusha-Tanzania.


Kupitia mkutano mdogo wa wadau wa kutetea masuala ya haki ya mwanamke kumiliki Ardhi kutoka TGNP- Mtandao wa Jinsia na Action Aid Tanzania uliofanyika jijini Dar es salaam tarehe 21/01/2017, washiriki walilenga kumjengea uwezo na kumpa ujasiri Bi.Flora ili kuwa na uelewa wa kutosha katika kuwawakilisha wanawake wote wa vijijini nchini Tanzania na Afrika Mashariki kwa ujumla wake.


Picha: Wajumbe katika Mkutano mdogo wafuatilia jambo kutoka kwa Mwenyekiti wa kikao.
  
Suala la msingi linalomfanya Bi.Flora kwenda kuwakilisha sauti za wanawake wengine kuhusu haki ya kumiliki Ardhi, ni lile la kutoa ufafanuzi wa kina wa tamko la madai ya wanawake wote wa vijijini lililowasilishwa Octoba 2016 kwa Mwenyekiti wa AUC. Hivyo, itakuwa na wasaa mzuri kwa jitihada hizo za Wanawake waishio vijijini kuweza kusikilizwa katika masikio ya viongozi, watunga sera na wasimamiaji sera kutoka mataifa mbali mbali barani Afrika na jumuiya nyingine za Kimataifa.

 
Picha: Mwenyekiti wa kikao akiwasilisha Tamko la Madai lililotokana na Kilimanjaro Initiative ya Octoba 2016.

Dhana ya kutoa kipaumbele kwa wanawake waishio vijijini ilikuja kutokana na kuwepo kwa 70% ya wanawake wanaoishi vijijini ukilinganisha na mjini, pia idadi hiyo kubwa inawahusisha wanawake walio wengi wanaotegemea Ardhi kama rasilimali ya kuendesha maisha yao ya kila siku kama vile kilimo na ufugaji.

Imetolewa na Jielimishe Kwanza kwa niaba ya Action Aid Tanzania jijini Dar es salaam.



Jumanne, 13 Desemba 2016

MTAZAMO: SHAIRI: "HATUFUNDISHWI SHULENI"


_______________________________
MTAZAMO:SHAIRI
Na Justine Kakoko
Activities: Social & Political activist I Social entrepreneur I Administrator I 
Poet & Song writer based on 
Pan-africanism  Ideology
______________________________________


SHAIRI: "Hatufundishwi Shuleni"

Hutufundishwi Kujiamini/
Hatufundishwi Kujithamini/
Hatufundishwi Kujijua,
Kujitambua Sisi Ni Wakinanani/
Hatufundishwi Tukagundua
Wapi Tulikuwa Kabla Ya
Ukoloni/ Zaidi Ya Kuchukiana
Hatufundishwi Kupendana
Darasani/ Hata Sishangai
Nikisikia, Mwafrika Kuingia
Vitani Kisa Dini/

Hatufundishwi Faida ya
Kuungana/ Hatufundishwi
Umuhimu Wa Kushirikiana/
Kuweka Nguvu Pamoja
Biashara Zilete Maana/
Tunafundishwa Ukilema
Watu Wazima Kutegemeana/
"..Aliyeanguka Sio Wenu.."
Hatufundishwi Kuinuana/

Tunafundishwa Historia
Isiyoandikwa Na Sisi/
Historia Iliyobadilishwa
Historia Isiyonauhalisi/
Tunafundishwa Matatizo
Pasipo Njia Za Kuyatatua/
Inachosha, Yanazidi Ongezeka
Hakuna Linalopungua/

Hatufundishwi Tukajua Kuwa,
Waafrika Tuna maadui/
Kila Nyakati Twawindwa
Si Usiku Mchana Hata Asubui/
Mzungu Njama Nyingi
Katu Mapigo Hayapungui/
Tumechomwa Sumu Tumeachwa
Tunatizama Alama Ya Ndui/

Tunafundishwa Kuigiza Nyendo
Za Mzungu/ Tusichojua Hayomaigizo
Yanaongeza Ukungu/

Hutufundishwi Mifumo Ya Dunia/
Jinsi Gani Inafanya Kazi Ili
Tusije Angamia/ Waongozoji
Kitu Gani Haswa Walichokipania/
Agenda Zao Wapi Zilipolalia/
Hatufundishwi Uozo Wa "Umoja
Wa Mataifa" Nyuma Ya Pazia/
Hatufundishwi Kwanini Mashujaa
Wa Afrika Tunaendelea Kuwafukia/

Tunafundishwa Nadharia Bila Vitendo/
Tunafundishwa Subira, Eti Polepole
Ndio Mwendo/ Tunafundishwa Wagunduzi
Wa Afrika Tuliyoikaa Tokea Mwanzo/
Mambo Ya Vasco Dagama, Historia Ya Kitoto
Tufanye Ukatazo/

Hatufundishwi Jinsi Ya Kujilinda/
Hatufundishwi Jinsi Ya Kuyapinga
Mazito Yanayotushinda/
Hatufundishwi Kukwepa Propaganda
Kuondoka Kwenye Runinga/
Ili Twende Kusoma Tuondoe Ujinga/

Hatufundishwi Tukajijua Kiundani/
Ili Tuwe Imara Kimwili Na Akili
Yatupasa Tule Chakula Gani/
Hatufundishwi Elimu Ya Jinsia
Wengi Tunajifunzia Uwanjani/
Hatufundishwi Mahusiano,
Usione Ajabu Ni Malumbano
Nyumbani/

Hatufundishwi Kwanini Hakuna
Ajira Nchini/ Tunafundishwa Ajira
Zipo Tunasoma Kwa Matumaini/
Hatufundishwi Kujiajiri, Tumalize
Tuishi Kimasikini/ Hatufundishwi
Kujenga Bila Hofu Ya Kuanguka Chini/
70% Ya Vijana Wapo Vijiweni
Baada Ya Kuitimu Vyuoni/
Inabidi Iwe Hivyo Maana
Hatufundishi Kipi Kipo Mtaani/

Hatufundishwi Kwanini Sisi
Ni Masikini/ Masikini Wa Hali Ya
Chini Maisha Yetu Duni/

Kipi Chashusha Kabisa Hali
Yetu Ya Uchumi/ Mbona
Tunawanyama Tele Mbugani..?/
Mafuta Na Madini Yanachimbwa Ardhini...?/
Lakini Hatufundishwi, Kuuliza Kwanini..?/

Hatufundishwi Kuijenga Afrika/
Hatufundishwi Afrika "Mpya"
Nini Inataka / Hatufundishwi
Kuichukia Misingi Iliyotuzika/
Misingi Waliyoijenga
Ili Unyonyaji Usijekatika/
Kiukweli Tunafundishwa Kulala,
Katu Hatufundishwi Kuamka/

Hatufundishwi Kuijua Siasa/
Siasa Inaendeshwa Vipi Ndani
Ya Ulimwengu Wa Sasa/
Tunachofundishwa Ni Akili
Kuzipumbaza/ Hatufundishwi
Kwa Macho Matatu Dunia Kuiangaza/
Kuangaza Marekani Na China Wanavyotuburuza/

Tunahitaji Elimu Yenye Kuiakisi Afrika/
Itakayotuhusu Sisi Na Mazingira
Yanayotuzunguka/ Itakayorekebisha Makosa
Ya Wapi Tulipoanguka/ Itakayotuonyesha Njia
Na Vipi Tutainuka/ Itakayoturudisha Kwenye
Asili Mpaka Tutapojikumbuka/
Elimu Hii Ya Sasa, Elimu Hii Nimeichoka/
Tunahitaji Tufundishwe Historia Yetu/
Tunahitaji Tufundishwe Tamaduni Zetu/
Tunahitaji Tufundishwe Thamani Na Ushujaa
Wetu/ Tunahitaji Tufundishwe Wapi Walipoishia
Babu Zetu/ Ili Juhudi Zao Ziendelezwe Visibezwe
Vizazi Vyetu/ Tunahitaji Tufundishwe Juu Ya Imani
Na Dini Zetu/

Tunahitaji Tufundishwe Kutofautisha
Kati Ya Taarifa na maarifa/
Ili Tusioshwe Ubongo, Uongo Uongo
Usilete Nyufa/
Tunahitaji Tufundishwe Chanzo
Cha Magonjwa Kama Ebola Ona
waafrika Wanavyokufa/

Tunahitaji Tufundishwe Kujiongoza
Tuondoke Utumwani/
Tuhitaji Tufundishwe Ili Tusirudishwe
Mashambani/
Tunahitaji Tufundishwe, Vipi Izalishwe
Isisafirishwe Katani/

Tunahitaji Tufundishwe Kupendana
Waafrika/ Chuki Yatutafuna, Umoja
Hatuna Twaingilika/

Tunahitaji Tufundishwe Manufaa
Ya Elimu Tuipatayo/
Elimu Tuipatayo Ituondoshe
Kwenye Hali Tulionayo/
Elimu Tuipatayo, Ikamilishe Safari
Tuijengayo/
Elimu Tuipatayo Ilishe Wengi
Isiache Wengine Wapige Mwayo/

Tunahitaji Tufundishwe Wizi
wa Warumi Na Wagiriki/
Kubeba Kila Kilichochetu Kusema
Chao Wakadiriki/
Dini, Sanaa, Sayansi, Uandishi,
Vyote Tulianzisha Sisi Hawatuandiki/
Tunafundishwa Uongo, Lakini, Ukweli
Haubadiliki/

Tunahitaji Tufundishwe Haki
Zetu Za Msingi/
Ili Uonevu Uondoshwe Maana
Manyanyaso Ya Polisi Ni Mengi/

Malcolm X Alisema,
"Hakuna Mtawala Anayemfundisha
Mtumwa Kuwa Huru"
Basi Tufundishane Kuikata Minyororo
Ikiwa Kweli Tunauhitaji Uhuru/

-GSP


KUSIKILIZA SHAIRI "Hatufundishwi Shuleni" na 
MASHAIRI MENGINE, JIPATIE CD YAKO-VOL 1- 
TZS 6,000
+255 754 572 143